دعم وتحديثات مستمرة من سهل مجاناً
دعم وتحديثات مستمرة من سهل مجاناً
كثير من أصحاب المتاجر الإلكترونية يركزون على التسويق، التصاميم، والأسعار، لكن يغفلون عن نقطة محورية: شريك التوصيل.
العميل ممكن يعجبه متجرك، يطلب، ويدفع، لكن لو وصله الطلب متأخر أو تالف، بيحمل متجرك المسؤولية، حتى لو كانت المشكلة من شركة الشحن.
عشان كذا، اختيار شريك التوصيل مو قرار عابر، لازم تبني عليه سمعتك وثقة عملاءك.
أول شيء لازم تتأكد منه هو:
هل شركة التوصيل توصل لكل المدن والمناطق اللي يستهدفها متجرك؟
بعض الشركات توصل بس المدن الكبرى مثل الرياض، جدة، الدمام. بينما البعض عنده تغطية أوسع تشمل القرى والهجر.
إذا متجرك يستهدف السعودية كاملة، أو حتى دول خليجية، اختر شركة عندها شبكة قوية وسريعة في كل مكان.
في السوق السعودي، العميل تعود على توصيل سريع، وبعض المتاجر تقدم توصيل بنفس اليوم.
لو شركة التوصيل تأخذ 3 أو 5 أيام عشان توصّل طلب بسيط، فهذي نقطة ضعف بتأثر على رضا عملاءك.
جرب تختبرهم بنفسك:
واحرص تسألهم: هل عندهم توصيل فوري أو توصيل في نفس اليوم داخل المدن الكبيرة؟
أحيانًا العميل يرفض الاستلام، أو يطلب استبدال. فهل شركة التوصيل عندها آلية مرتبة للتعامل مع هالشي؟
بعض الشركات ترجع المنتجات للمستودع بسرعة وبدون ضرر، وبعضهم يضيع الطرد أو يرجعه بشكل سيء.
اقرأ العقد، واطلب شرح واضح لكيفية التعامل مع المرتجعات، وهل فيه رسوم إضافية؟ وهل تقدر تتابع المرتجعات أونلاين؟
الأسعار تختلف من شركة لشركة. لكن لا تغريك الأسعار المنخفضة إذا كانت على حساب الخدمة.
الأفضل دائمًا إنك توازن بين السعر والخدمة.
بعض الشركات تعطيك خصم خاص لو عندك عدد طلبات ثابت شهريًا. اسأل عن الباقات، أو تفاوض معهم على أسعار مخصصة لمتجرك.
وتأكد هل السعر شامل التوصيل فقط؟ أو فيه رسوم مخفية مثل (الوزن الزايد، المسافة، المرتجعات...).
من أهم الأشياء اللي تخلي عميلك مرتاح هو: معرفة مكان طلبه بكل لحظة.
اختر شركة توصيل عندها نظام تتبع واضح، يرسل إشعارات للعميل، ويعطيك تقارير لحظية من لوحة تحكم.
هالشي يقلل الأسئلة من العملاء ويزيد الثقة بينك وبينهم.
قبل توقع عقد مع أي شركة، اقرأ تقييماتهم على الإنترنت، شوف وش يقولون الناس في تويتر، قوقل، سناب، وحتى تجارب الناس في المتاجر الثانية.
هل معروفين بسرعة التوصيل؟
هل موظفي التوصيل محترفين؟
هل الشركة تتفاعل مع الشكاوي ولا تتجاهلها؟
السمعة شيء أساسي، لأنها بتنعكس على متجرك مباشرة.
في السعودية، كثير من العملاء لا يزال يفضل الدفع عند الاستلام، خصوصًا في بعض المناطق.
فتأكد إن شريك التوصيل يقدم هالخدمة بشكل آمن ومنظم، ويحول لك المبالغ بشكل منتظم بدون تأخير.
اختيار شريك التوصيل المثالي لمتجرك الإلكتروني ما هو بس خطوة تشغيلية، هو قرار استراتيجي يؤثر على رضا عملاءك، تكرار طلباتهم، وحتى سمعة مشروعك بالكامل.
خذ وقتك في المقارنة، جرب كذا شركة، شوف التجربة بنفسك، ووقّع العقد بس لما تتأكد إن هالشريك فعلاً يوازي تطلعات متجرك وطموحاتك في السوق السعودي.
تعرف على أهم الأدوات والتقنيات اللي تساعدك تخلي متجرك يشتغل لحاله وتقلل من وقتك وجهدك اليومي في المتابعة والتشغيل
نظام الاشتراكات الشهرية ممكن يكون نقلة كبيرة لمتجرك لكن هل يناسب كل الأنشطة نساعدك تفهم الفكرة وتقرر صح
يمكنك إنشاء متجرك و التحكم في كافة الخصائص بسهولة
