دعم وتحديثات مستمرة من سهل مجاناً
دعم وتحديثات مستمرة من سهل مجاناً
لو عندك متجر إلكتروني جديد وتعبت من إن الزوار قليلين، فغالبًا السبب هو إن متجرك ما يطلع في محركات البحث مثل جوجل. وطبعًا جوجل اليوم هو أول مكان الناس تبحث فيه عن أي منتج. عشان كذا، لو متجرك ما يظهر هناك، كأنك فاتح محل في شارع فاضي.
لكن لا تخاف، ما تحتاج تكون خبير تقني أو تدفع آلاف الريالات عشان تبدأ. في خطوات بسيطة، تقدر تطبقها بنفسك وتساعد متجرك يظهر في جوجل ويتصدر النتائج.
خلنا نشرحها خطوة بخطوة:
أول خطوة إنك تفهم وش الكلمات اللي يبحث عنها عملاءك. مثلًا، لو تبيع عطور شرقية، ابحث عن كلمات مثل "عطور رجالية فخمة" أو "عطر عربي أصلي". استخدم أدوات مجانية مثل Google Keyword Planner أو Ubersuggest تقدر تساعدك كثير.
نصيحة: لا تستخدم كلمات عامة جدًا مثل "عطر"، لأنها تنافسية جدًا. ركز على كلمات أدق وأقرب لمنتجاتك.
جوجل يقرأ المحتوى اللي في صفحات المنتجات، فخلك حريص إن كل منتج عندك يكون له وصف فريد ومفيد. لا تنس تحط فيه الكلمات المفتاحية اللي بحثت عنها.
مثال: بدل ما تكتب "عطر رجالي"، اكتب "عطر رجالي شرقي بثبات عالي، مناسب للاستخدام اليومي والمناسبات الخاصة".
المدونة من أقوى الأدوات اللي تساعدك تطلع في جوجل. اكتب مقالات حول استخدام منتجاتك، أو نصائح متعلقة بنوع المنتجات اللي تبيعها.
مثال: إذا تبيع مستلزمات مطبخ، سوّ مدونة بعنوان "أفضل 5 أدوات مطبخ تسهّل عليك الطبخ اليومي".
كل مقال يعطيك فرصة تظهر في جوجل أكثر.
جوجل يهتم جدًا بتجربة المستخدم. إذا موقعك بطيء أو ما يشتغل تمام على الجوال، بيأثر سلبًا على ترتيبك.
استخدم أدوات مثل Google PageSpeed Insights عشان تعرف مشاكل السرعة، وخل متجرك متجاوب على كل الأجهزة.
أدوات جوجل الرسمية تعطيك بيانات دقيقة عن الزوار، والمشاكل اللي ممكن تواجهها في صفحاتك. تسجيل متجرك فيها خطوة مهمة عشان تبدأ تظهر في البحث.
وتأكد إنك ترسل خريطة الموقع (Sitemap) عشان تساعد جوجل يقرأ صفحاتك أسرع.
جوجل يحب المتاجر اللي فيها تفاعل حقيقي. كل ما زاد عدد التقييمات في متجرك، كل ما تحسن ظهورك في نتائج البحث.
خلك ذكي وشجع عملاءك يكتبون تقييم بعد كل طلب، وحتى لو خصم بسيط مقابل رأيهم ممكن يفرق كثير.
اربط صفحات متجرك ببعض (مثل: من صفحة العطر الرجالي تقدر توصل لصفحة العطور النسائية). وإذا تقدر تحصل على رابط من موقع ثاني يوصل لمتجرك، هذا بيعزز ثقة جوجل فيك.
تحسين ظهور متجرك في جوجل مو شي مستحيل، ولا يحتاج خبرة كبيرة. بخطوات بسيطة مثل اختيار الكلمات الصحيحة، تحسين وصف المنتجات، وإنشاء مدونة مفيدة، تقدر ترتفع في الترتيب وتزيد الزيارات والمبيعات.
ولا تنس إن البيئة في المملكة العربية السعودية صارت خصبة جدًا للتجارة الإلكترونية، وكل يوم يزيد عدد اللي يشترون أونلاين. فـ ليش تفوّت الفرصة؟
وإذا تبي تبدأ متجرك من الصفر بطريقة احترافية ومتوافقة مع معايير جوجل، فريق سهل يجهز لك متجر إلكتروني جاهز للنجاح من أول يوم
معرفة وقت الذروة في متجرك تساعدك تجهز صح وتضاعف مبيعاتك تعرّف على أهم الأوقات اللي يكثر فيها الطلب وكيف تستغلها
زيادة الطلب على متجرك شي يفرح بس إذا ما كنت مستعد ممكن يتحول التحدي لورطة تعرّف على أفضل الطرق للتعامل مع الضغط المفاجئ
يمكنك إنشاء متجرك و التحكم في كافة الخصائص بسهولة
