دعم وتحديثات مستمرة من سهل مجاناً
دعم وتحديثات مستمرة من سهل مجاناً
كثير من الناس يفكر يفتح متجر إلكتروني، بس أول ما يجي لموضوع الإعلانات يقول: "ما عندي ميزانية كبيرة.. هل أقدر أنجح بدون تسويق مدفوع؟" والإجابة ببساطة: إيه، تقدر، بس تحتاج تشتغل بذكاء وتعتمد على أدوات وطرق مجانية تعوّض غياب الحملات المدفوعة. في هالمدونة راح نوضح لك خطوات عملية ومجربة تساعدك تمشي أول مشوارك في التجارة الإلكترونية بدون ما تدفع ريال واحد على الإعلانات.
إذا كنت تقدر تكتب محتوى بسيط، مفيد، وقريب من الناس، فأنت تملك سلاح قوي! سوٍّ مدونة، أو انشر بوستات توعية في حسابات متجرك، أو صور تعليمية ومنتجاتك، وخل المحتوى يساعد الناس ويدلهم على الحل. المحتوى الجيد ينشر نفسه بنفسه، خصوصًا في تويتر وإنستغرام، ويدخلك جو الـ"Organic Reach".
فيه آلاف المجموعات اللي تهتم بمنتجاتك أو الشريحة المستهدفة، مثل: مجموعات الأمهات، المهتمين بالقهوة، اللي يحبون الكماليات، وغيرها. تقدر تعرض منتجاتك بطريقة غير مباشرة أو تجاوب على استفسارات وتعرف الناس على متجرك. هالشي يجيب زيارات حقيقية بدون ما تصرف.
لو متجرك الإلكتروني مصمم صح، ومهيأ لمحركات البحث (SEO)، ممكن تجيب زيارات كثيرة من جوجل بدون ما تدفع إعلان واحد! كيف؟
ضيف وصف لكل منتج، وخل فيه كلمات يبحث عنها الزبون، وحدث محتوى الصفحات بشكل مستمر. خلك ذكي في اختيار العناوين مثل: "أفضل منتجات العناية بالبشرة في السعودية"، وغيرها من العبارات اللي يبحثون عنها الناس.
العميل اللي جربك وكان مبسوط، تقدر تطلب منه يرشحك لأصحابه، أو يكتب تقييم، أو يرسلك صورة من المنتج وهو يستخدمه. هالنوع من التسويق يسمونه التسويق بالتوصية، ويعتبر من أقوى الطرق المجانية، لأن الناس تثق بكلام أصدقائهم أكثر من أي إعلان.
تقدر تتفق مع حسابات صغيرة أو مشاريع مشابهة لك (لكن ما هم منافسين) إنهم يذكرونك عندهم، وانت تسوي نفس الشي. مثال: متجر يبيع أدوات قهوة يتفق مع حساب متخصص في وصفات القهوة. كل طرف يكسب جمهور جديد.
في السعودية، الفعاليات كثيرة والمواسم ممتدة، من "يوم التأسيس" إلى "اليوم الوطني" و"رمضان" وغيرها. استغلها حتى بدون إعلان، وسو عروض أو محتوى يتكلم عن المناسبة، وشارك فيه في التعليقات أو مع المؤثرين أو حتى في الهاشتاقات. هذي لحظات ذهبية للظهور.
التسويق المدفوع وسيلة قوية، لكن مو هي الطريق الوحيد للنجاح. تقدر تبني متجرك خطوة خطوة بدون ما تصرف كثير، بس لازم تتحرك، تبني محتوى، وتكون قريب من عملاءك. النجاح بدون ميزانية ممكن، لكنه يحتاج وقت وتخطيط. و"سهل" تقدر تساعدك تطلق متجرك جاهز من كل النواحي، وتوفر عليك وقت وجهد، سواء كنت ناوي تسوق أو تمشيها بالعضلات.
مو لازم يكون متجرك معقد عشان يبين احترافي السر في التفاصيل البسيطة اللي تفرق
مو لازم تكون موجود في السعودية عشان تبدأ مشروعك فيها تقدر تفتح متجرك من أي مكان
يمكنك إنشاء متجرك و التحكم في كافة الخصائص بسهولة
