دعم وتحديثات مستمرة من سهل مجاناً
دعم وتحديثات مستمرة من سهل مجاناً
كل صاحب متجر إلكتروني مرّ بالموقف هذا:
جاك طلب مفاجئ، والمخزون عندك صفر أو الشحن مو مرتب.
وهنا تبدأ الأسئلة تدور براسك: "وش أقول للعميل؟ أكنسل؟ أأجل؟ أخسر الطلب؟"
الواقع إن التصرف الذكي في هاللحظة ممكن يحوّل الموقف من أزمة إلى فرصة تكسب فيها ثقة العميل ورضاه، بل يمكن يرجع يطلب منك مرة ومرتين.
في هالمدونة، بنعطيك خطوات واقعية وسريعة تساعدك تتعامل مع هالموقف بدون ما تخسر سمعتك، ولا عميلك.
أول وأهم خطوة: لا تسكت ولا تتجاهل الطلب.
لا تعطي وعود كاذبة
لا ترسل منتج غير جاهز
لا تختفي عن العميل
بدالها، خذ خطوة جريئة وراسله مباشرة، وقل له:
"أعتذر منك، صار تأخير بسيط في الشحن بسبب ظرف طارئ، لكن بنعوضك ونوصلك المنتج بأسرع وقت إن شاء الله."
الصدق لحاله يكسبك احترام العميل، حتى لو زعل بالبداية.
إذا حسيت إن العميل متضايق أو ممكن يكنسل، قدم له شي رمزي:
العميل إذا حس إنك مهتم فيه ومو تجاهلته، ممكن يتحول من زعلان إلى "عميل وفيّ" ما يفكر يطلب من غيرك.
حتى لو ما عندك مخزون، شوف الخيارات التالية:
لو قدرت توفر له المنتج حتى لو بعد يومين زيادة، وضحت له الوضع، فالغالب راح يتفهم.
الموقف هذا لازم يكون تنبيه لك إن فيه شيء يحتاج ضبط:
هل عندك نظام تنبيه إذا قرب المخزون يخلص؟
هل تربط متجرك بمخزونك الحقيقي؟
هل عندك شركاء لوجستيين جاهزين في أي وقت؟
ومنصة "سهل" تقدر تساعدك في الربط مع أنظمة المخزون والتوصيل عشان ما تتكرر هالمواقف.
الوقت مهم! كل ما تأخرت بالرد، زاد توتر العميل، وقلّت فرصتك بحل الموضوع.
حاول تتواصل خلال ساعة بالكثير
استخدم واتساب، SMS، أو اتصال مباشر
إذا فيه تحديث على الطلب، أعلمه أول بأول
تعاملك السريع يعطي العميل إحساس إنك مهتم، وتقلل من أي إحباط عنده.
لا تكتفي بالاعتذار، قل له وش الخطوة الجاية:
الوضوح يطمن العميل، ويخليه يحس إن فيه إدارة واعية وورى الكواليس.
بعد ما تنتهي الأزمة، رجع راجع وش اللي صار:
سجّل المشكلة
عدّل النظام أو العملية
درّب الفريق على التصرف في الحالات الطارئة
ومع الوقت، راح تلاحظ إن هالمواقف تصير أقل، وتعاملك معها يصير أسرع.
حتى لو كنت متجر صغير أو توك تبدأ، تعاملك مع الموقف هو اللي يحدد نظرة العميل لك.
العميل ما يفرق كثير بينك وبين المتاجر الكبيرة، هو بس يبي تجربة محترمة وموثوقة.
ومن خلال منصات مثل "سهل"، تقدر تسوي عملياتك بشكل احترافي، وتربط متجرك بجهات التوصيل، وتتابع كل شيء من مكان واحد.
أي أحد ممكن يمر بموقف تأخير الشحن أو نقص في المخزون.
لكن اللي يفرق بين متجر هاوي ومتجر ناجح هو ردة الفعل وطريقة التصرف.
خلك صادق، تواصل بسرعة، قدم بدائل، وخل العميل يطلع وهو راضي، ويمكن حتى يشكرك!
كثير طلاب يسألون أقدر أبدأ مشروعي وأنا لسه أدرس الجواب نعم وبقوة هالمدونة تعطيك خطوات ذكية تبدأ فيها متجرك وأنت طالب بدون ما تأثر على دراستك
مو كل فكرة تنفع تصير متجر إلكتروني بس بعض الأفكار لو طورتها شوي تصير ذهب في هالمدونة بنعطيك خطوات تساعدك تعرف إذا فكرتك تستاهل تنطلق فيها كمتجر إلكتروني أو لا
يمكنك إنشاء متجرك و التحكم في كافة الخصائص بسهولة
