دعم وتحديثات مستمرة من سهل مجاناً
دعم وتحديثات مستمرة من سهل مجاناً
مع تطور التجارة الإلكترونية في السعودية، كثير من رواد الأعمال الجدد صاروا يواجهون سؤال مهم في بداية مشروعهم:
هل أبدأ بمتجر إلكتروني خاص فيني أبيع فيه منتجاتي؟
ولا أسوي منصة إلكترونية تجمع فيها باعة كثير وأخليهم يبيعون وأنا أكون الوسيط؟
الفرق بينهم أكبر مما تتخيل، وكل خيار له أسلوب إدارة مختلف تمامًا عن الثاني، ويحتاج منك تخطيط من نوع خاص.
المتجر الإلكتروني هو المكان اللي تبيع فيه منتجك أو خدمتك بشكل مباشر للعميل. يعني كل شيء خاص فيك، من المنتجات، للأسعار، للتعامل مع الزبون.
إذا عندك منتج مميز أو فكرة حصرية وتبي تبني عليها علامتك التجارية، المتجر بيكون خيار مثالي. تقدر تتحكم بشكل الموقع، وتوجهه بالطريقة اللي تعبر عن مشروعك، وتبني فيه تجربة مستخدم خاصة فيك.
أغلب المشاريع الصغيرة في السعودية تبدأ كمتجر إلكتروني بسيط، ويحققون فيه نتائج ممتازة لأن التركيز يكون واضح، والإدارة أسهل، والمصاريف أقل.
أما المنصة، فهي أشبه بسوق إلكتروني يجمع أكثر من بائع. أنت ما تبيع منتجك الخاص، بل توفر مساحة للباعة الآخرين يعرضون منتجاتهم، وتاخذ نسبة أو عمولة على كل عملية بيع.
هذا النوع من المشاريع يحتاج جهد أكبر، لأنك مسؤول عن إدارة الباعة، وتنظيم المحتوى، وضمان الجودة، وتقديم خدمة عملاء ممتازة للطرفين. المنصة ممكن تبدأ بسيطة، لكنها مع الوقت تحتاج تطويرات تقنية وخطط تشغيل دقيقة عشان تقدر تستمر وتنجح.
لكن الجميل في المنصات، إنها تفتح لك مجال تنوّع كبير في المنتجات بدون ما تتحمل تكلفة البضاعة. ويكون عندك فرصة أكبر تنمو بسرعة إذا قدرت تجذب عدد كبير من الباعة والزبائن.
الاختيار يعتمد على طبيعة فكرتك وقدرتك في التنفيذ.
لو أنت في بداية الطريق، وعندك منتج جاهز أو فكرة خدمة واضحة، فالمتجر الإلكتروني بيكون خيار مناسب وأسهل في الانطلاق. تقدر تبدأ بأقل التكاليف، وتركز على بناء ثقة مع عملاءك خطوة بخطوة.
أما لو عندك رؤية أوسع، وتبغى تسوي مشروع ضخم يجمع عدة باعة في مجال معين، وتقدر تدير البنية التقنية والتشغيلية للمنصة، فهنا تكون المنصة خيار قوي وواعد.
بعض الناس يبدأون بمتجر صغير، وبعد ما يكسبون جمهور ويعرفون السوق، يتوسعون ويحولوها لمنصة تجمع أكثر من بائع.
سواء قررت تبدأ بمتجر أو منصة، التنفيذ لازم يكون احترافي. التصميم، سرعة الموقع، طريقة الدفع، وربط شركات الشحن.. كلها عناصر مهمة تؤثر على تجربة العميل.
فريق مثل سهل يقدم لك حلول متكاملة، سواء تبي تطلق متجر إلكتروني خاص فيك جاهز خلال أيام، أو تفكر في منصة تجمع باعة تحتاج تطوير مخصص. نساعدك من أول فكرة، وحتى يصير مشروعك شغال ويحقق مبيعات.
تخطيطك من البداية هو اللي يحدد شكل مشروعك قدّام. لو بدأت بمتجر خاص، تقدر توسع علامتك التجارية، وتضيف منتجات جديدة أو خدمات. ولو بدأت بمنصة، تقدر تكبر مجتمع الباعة وتخلق فرص تعاون أكثر.
كل خيار له فرصه، لكن أهم شي تبدأ بخطوة مدروسة، وتكون واضح مع نفسك: هل تبي تبيع منتجك وتبني عليه؟ أو تبي تخلق سوق كامل يكون فيه أكثر من بائع؟
المتجر الإلكتروني والمنصة الإلكترونية كلاهم ناجحين، لكن نجاحهم يعتمد على طريقة التنفيذ، ونوعية الجمهور، واستعدادك للإدارة.
ابدأ من اللي يناسب إمكانياتك اليوم، وخلك دايم جاهز للتطور. والمهم إنك ما توقف، لأن التجارة الإلكترونية اليوم ما عادت خيار ثانوي.. صارت الطريق الرئيسي لكثير من المشاريع في المملكة.
جاهز تبدأ؟ تواصل مع فريق سهل وخذ أول خطوة نحو مشروعك الجاي.
معرفة وقت الذروة في متجرك تساعدك تجهز صح وتضاعف مبيعاتك تعرّف على أهم الأوقات اللي يكثر فيها الطلب وكيف تستغلها
زيادة الطلب على متجرك شي يفرح بس إذا ما كنت مستعد ممكن يتحول التحدي لورطة تعرّف على أفضل الطرق للتعامل مع الضغط المفاجئ
يمكنك إنشاء متجرك و التحكم في كافة الخصائص بسهولة
